डॉ. पतंगराव कदम महाविद्यालयातील विद्यार्थ्यांचे मैदानी क्रीडा स्पर्धेत उज्वल यश

डॉ. पतंगराव कदम महाविद्यालयातील विद्यार्थ्यांचे मैदानी क्रीडा स्पर्धेत उज्वल यश

भारती विद्यापीठाचे डॉ. पतंगराव कदम महाविद्यालय सांगली येथील बी.कॉम.-१ विद्यार्थिनी कु .सानिका नलवडे ३००० हिने मीटर स्टीपल चेस व ५००० मीटर स्टेपलचेस या क्रीडा प्रकारात सुवर्णपदक पटकावले. तर  बी.ए.भाग-१ विद्यार्थिनी कु.निकिता पवार हिने ८०० मीटर क्रीडा प्रकारामध्ये सुवर्णपदक पटकावले. 

सदर जिल्हास्तरीय क्रीडा स्पर्धा या शाहू स्टेडियम, सातारा या ठिकाणी पार पडल्या तसेच सदर विद्यार्थ्यांचे श्री शिवछत्रपती कॉम्प्लेक्स, बालेवाडी या ठिकाणी होणाऱ्या अंतरविभागीय क्रीडा स्पर्धेसाठी निवड झालेली आहे.अशाप्रकारे जिल्हास्तरीय स्पर्धेमध्ये विद्यार्थ्यांनी यश मिळवून भारती विद्यापीठ आणि डॉ. पतंगराव कदम महाविद्यालयाचे नाव उज्वल केले.

      

या सर्व विद्यार्थ्यांच्या यशाबद्दल डॉ. पतंगराव कदम महाविद्यालयाचे प्र. प्राचार्य डॉ. एस. व्ही. पोरे यांनी पुष्पगुच्छ देऊन त्यांचे अभिनंदन केले. व या मिळालेल्या  यशाबद्दल कौतुक केले. यावेळी उपप्राचार्य डॉ.अमित सुपले यांनीही विद्यार्थ्यांच्या यशाबद्दल आनंद व्यक्त करून त्यांना शुभेच्छा दिल्या. सदर विद्यार्थ्याना महाविद्यालयाचे शारीरिक शिक्षण संचालक प्रा. अमर तुपे यांचे मार्गदर्शन लाभले. या यशाबद्दल महाविद्यालयातील सर्व प्राध्यापकांनी या विद्यार्थ्यांचे कौतुक करून त्यांना शुभेच्छा दिल्या.

(Bharati Vidyapeeth's Dr. Patangrao Kadam Mahavidyalaya, Sangli)